కొన్ని కవిత్వ క్షణాలు

రచన : డా రాళ్ళ బండి కవితా ప్రసాద్ 
శీర్షిక:కొన్ని కవిత్వ క్షణాలు 
..... ..... .....

1 
రగిలే జ్వాల చల్లారిందంటే 
అగ్ని ఓడిపోయినట్లు కాదు!

అంతరాంతరాలలోకి
విస్తరిస్తున్నట్లు !
2
మొగ్గల్ని తుంచుకుంటూ
పోయేవాడికి,
పూల సౌందర్యం
ఎలా దర్శన మౌతుంది?!
3
ఎవరు ,ఎవరిని, ఏదారిలో,వెతకాలో...
తెలుసుకోవడం లోనే
అతని కాలం గడచి పోయింది!
అందుకే ఇంకా ప్రయాణం మొదలు కాలేదు!
4
కొండ గాలి,పండ్ల చెట్లను పలకరించినట్లు ,
అతడి ప్రేమ ఆమెను ఇబ్బంది పెడుతోంది !
5
అన్నింటిని అనుభవించిన చెట్టు
గింజ గా మారాలను కుంటుంది .
అన్నింటినిఅనుభ వించాలనుకుంటున్న గింజ
చెట్టుగా మారాలను కుంటుంది.
సృష్టి -ఒక అనుభవ వాంఛ!!